“ჯეჯილი” პირველი სკოლაა, სადაც დებატების სწავლება დაინერგა და დღესაც აქტიურად ვაგრძელებთ დებატებით დაინტერესებულ მოსწავლეებთან მუშაობას. Georgian Institute for Debate and Education • GIDE-თან პარტნიორობით, ყველა მოტივირებულ მოსწავლეს აქვს შესაძლებლობა ჩაერთოს პროექტში უკეთესი განათლებისთვის.

დიდი სიხარულით და სიამაყით გიზიარებთ 23 დეკემბერს ჩატარებული საქველმოქმედო გამოფენა-გაყიდვის შედეგებს: ღონისძიებიდან მიღებული თანხით შევიძინეთ წიგნები, სასკოლო ნივთები, ლეპტოპი, შევაგროვეთ მოზარდებისთვის უამრავი სათამაშო და ტანსაცმელი. გუშინ, საქართველოს ეროვნული ბიბლიოთეკის ხელშეწყობით, გიორგი კეკელიძესთან და ჩვენს მოსწავლეებთან ერთად, ვესტუმრეთ ოკუპაციის გამყოფ ხაზთან მდებარე სოფელ თამარაშენს, სადაც მოზარდებს …

გაიცანით 6 წლის ამალია მარიუპოლიდან. სასტიკ ომს გამოქცეული ამალია, დღეიდან „ჯეჯილის“ პირველი კლასის მოსწავლეა. ძალიან გვიხარია, რომ ჩვენმა სკოლამაც შეიტანა მცირედი წვლილი უკრაინის მხარდასაჭერად. გოგონა თანაკლასელებთან ერთად თავს კარგად და ლაღად გრძობს. ჩვენი სკოლის კარი კვლავ ღიაა უკრაინელი ბავშვებისთვის.

საქართველოს განათლებისა და მეცნიერების სამინისტრომ „ჯეჯილის“ წარჩინებულ კურსდამთავრებულებს მედლები გადასცა. კიდევ ერთხელ ვულოცავთ ჩვენს მოსწავლეებს და ვუსურვებთ შემდგომ წარმატებებს! ჩვენი მედალოსნები: მარიამ ალასანია ანა ფანჯავიძე გუბაზ გოგუა მარიანა მაღრაზე ვახტანგ ჩოჩია საბა ქირია მარკოზ ნაცვლიშვილი ანა გამცემლიძე ზურაბ მაისურაძე გიორგი დოკვაძე ნანუკა მარდალეიშვილი  

22-30 ნოემბერს ჩვენს სკოლაში კოვიდ 19-ის კვირეული ჩატარდა. პროექტი მიზნად ისახავდა კორონავირუსის საწინააღმდეგო ვაქცინაციის პოპულარიზაციას და აღნიშნულთან დაკავშირებით “ჯეჯილის” მოსწავლეებში ცნობიერების ამაღლებას. პროექტში მონაწილეობდა ჩვენი სკოლის ყველა კლასი ცალკეული საგნების მიხედვით.