მიღწევები

•  ჩვენმა მოსწავლეებმა – თათული მინაშვილმა, გუკა ახალაიამ, ნიკოლოზ ბოლქვაძემ, ნინა შამუგიამ – მიიღეს მონაწილეობა ამერიკის საელჩოს საზაფხულო გამოწვევაში, წაიკითხეს მხატვრული ლიტერატურა 500 და მეტი გვერდი და გახდნენ ოქროს სერტიფიკატის მფლობელები!

•  „ჯეჯილის“ მოსწავლე და დებატების სკოლის წევრი – ნატალი ძნელაძე საერთაშორისო დებატების ტურნირის მონაწილე გახდა, რომელშიც ჩართულია 450-ზე მეტი მოდებატე მსოფლიოს 40 ქვეყნიდან.

დებატების საერთაშორისო ტურნირში მონაწილეობის მიღების უნიკალური შანსი, მთელი ქვეყნის მასშტაბით Georgian Institute for Debate and Education -ის მიერ ჩატარებული კონკურსის შედეგად, 4 ქართველ მოსწავლეს მიეცა, აქედან ერთ-ერთი, ნატალი ძნელაძე, ჩვენი სკოლის მოსწავლეა. საგანგებოდ შერჩეული მოსწავლეებისთვის ჩატარდა ღონისძიება ხელნაწერთა ეროვნულ ცენტრში, სადაც 4 საუკეთესო მოდებატე დაჯილდოვდა სპეციალური საჩუქრებით.

• ჩვენი სკოლის მოსწავლეებმა – თაკო გელაშვილმა, რეზი მათითაშვილმა, მიშო ნადარეიშვილმა და ირაკლი ბერელიძემ  საქართველოს მასშტაბით პირველი ადგილი დაიკავეს The King’s and Queen’s Club – ის ინტელექტუალურ თამაშში – Quidditch – ის სუპერ ფინალში!

• 31 იანვარს, The King’s and Queen’s Club – ის ინტელექტუალური თამაშის – Quidditch – ის სუპერ ფინალი ონლაინ რეჟიმში გაიმართა.

სუპერფინალში მონაწილეობას იღებდნენ, როგორც თბილისის, ასევე იმერეთისა და აჭარის რეგიონის გამარჯვებული გუნდები. სკოლა “ჯეჯილის” მოსწავლეებმა, საქართველოს მასშტაბით პირველი ადგილი დაიკავეს!

•  ჩვენი სკოლის მოსწავლეებმა პრაქტიკანტი გერმანელი მასწავლებლის, ლეა ოლშევისკის ხელმძღვანელობით, მონაწილეობა მიიღეს Nordrhein-Westfalen Land-ის 67-ე მოსწავლეთა კონკურსში: „Begegnung mit Osteuropa.” (შეხვედრა აღმოსავლეთ ევროპასთან ).

10 სექტემბერს მათ გადაეცათ გერმანიიდან ჩამოსული სერტიფიკატები.

• პროექტის ,,დებატები უკეთესი განათლებისთვის” შემაჯამებელი შეხვედრა გაიმართა, სადაც ჩვენი სკოლის მოსწავლე – ნატალი ძნელაძე დაჯილდოვდა და პროექტის ერთ-ერთ ყველაზე აქტიურ და გამორჩეულ მონაწილედ დასახელდა. ნატალიმ მონაწილეობა მიიღო საჯარო გამოსვლების ონლაინ-კონკურსში.

•  „ჯეჯილის“ გუნდი ნიკო კეცხოველის სასკოლო პრემია 2020-ის პირველი ეტაპის გამარჯვებულ სკოლებს შორის მოხვდა.

კონკურსში მონაწილეობის მთავარი მიზანია, პატარა თუ დიდი ცვლილებების შეტანა ბუნებრივი და სოციალური გარემოს გაუმჯობესების საქმეში, მდგრადი განვითარების მიზნების შესაბამისად.

•  „ჯეჯილის“ მოსწავლე – მიშო პაპავა FLEX Program-ის ფინალისტია!

FLEX( Future leaders exchange program – მომავალ ლიდერთა გაცვლითი პროგრამა) – საერთაშორისო განათლების ამერიკული საბჭოების მიერ ორგანიზებული პროგრამაა, რომელიც პოსტ საბჭოთა ქვეყნებში, კულტურის გაცვლა-გაზიარების მიზნით ტარდება.

საქართველოდან ყოველწლიურად დაახლოებით 5000 მოსწავლიდან 80 ფინალისტს არჩევენ, რომლებიც ერთი სასწავლო წლით შეერთებულ შტატებში მიემგზავრებიან, რათა ისწავლონ ამერიკულ სკოლებში, იცხოვრონ ამერიკულ ოჯახებში და ეზიარონ იქაურ კულტურას.

მიშო 2020-21 სასწავლო წელს ამერიკაში გაატარებს.

•  ჩვენი სკოლის მე-12 კლასის მოსწავლემ – ზურაბ მაისურაძემ გერმანული ენის გამოცდია Telc Deutsch C1 Hochschule – საუნივერსიტეტო დონე წარმატებით ჩააბარა.

აღნიშნული დიპლომი გერმანიის უნივერსიტეტებში უფასოდ სწავლის საშუალებას იძლევა.

• 28 ივნისს ნუცა მახვილაძის სახელობის 2019 წლის დებატების ეროვნული ტურნირის ფინალში ჩვენი სკოლის გუნდმა (ელენე კაკულია, მიხეილ პაპავა, ელენე ხვედელიძე) გაიმარჯვა. მე-9 კლასელი ელენე კაკულია გახდა რესპუბლიკაში საუკეთესო მოდებატე. გამარჯვებული გუნდის 2 საუკეთესო მონაწილე დაფინანსებით გაემგზავრა ბრატისლავაში, საერთაშორისო დებატების სემინარზე.

• IV კლასის მოსწავლე ნინა შამუგია “კინგსი საქართველოს” ინგლისური ენის ოლიმპიადის ფინალური ტურის ოქროს დიპლომის (100/100) მფლობელი გახდა.

• გუნდური ინტელექტუალური თამაშის „ტვინების ბრძოლის“ რეგიონალური ჩემპიონატში მე-5 კლასელებმა მოიპოვეს პირველი ადგილი, ხოლო მე-4 კლასელებმა წარმატებით იასპარეზეს და გადავიდნენ ფინალურ ეტაპზე.

• საფეხბურთო აკადემია „TIFA”-ს ორგანიზებით ჩატარდა საფეხბურთო ჩემპიონატი სკოლებს შორის, სადაც მეორე ადგილი ჩვენი სკოლის მეორე და მესამე კლასელებმა მოიპოვეს.

  ○ ანდრია ცქვიტინიძე
  ○ ალექსანდრე ცანავა
  ○ ვატო ყიფიანი
  ○ დიმიტრი ყიფიანი
  ○ ბესო გელაშვილი
  ○ დავით გაბისონია
  ○ ვატო შონია
  ○ გაგა რაზმაძე
  ○ ნიკოლოზ მგალობლიშვილი

• 25 მაისს ჩვენი სკოლის მე-9 და მე-10 კლასის მოსწავლეებმა მონაწილეობა მიიღეს პრეზიდენტის სასახლეში სარეზერვო ფონდის მხარდაჭერით მიმდინარე პროექტში – “დამოუკიდებლობა თავისუფლებისათვის”. საქართველოს პრეზიდენტმა, გიორგი მარგველაშვილმა სკოლას სერტიფიკატი გადასცა. 

•  სამოქალაქო განათლების ოლიმპიადის გამარჯვებული გახდა დავით კვარაცხელია.

• სამოქალაქო ოლიმპიადის გამარჯვებული გახდა ლუკა ლიპარტელიანი.

• კომპანიამ “ინგლისური წიგნი საქართველოში” გამართა ინტელექტუალური თამაში “Quidditch: Intellectual Competition for School”, რომელშიც ჩვენი სკოლის მოსწავლეებმა მონაწილეობა მიიღეს, გავიდნენ პირველ ადგილზე და გადავიდნენ შემდეგ ტურში. 17 დეკემბერს ჩატარებულ ფინალურ შეჯიბრში , ჩვენი სკოლის გუნდმა, “Brain Squeezars”, თბილისის მასშტაბით მეორე ადგილი დაიკავეს. გამარჯბვეულ მოსწავლეებს ფასიანი საჩუქრები გადაეცათ. 

• საფრანგეთის საელჩოსა და საერთაშორისო ორგანიზაცია Ciub de Chance-ს მიერ მოწყობილ ბავშვთა საერთაშორისო კონკურსში “დახატე მშვიდობა”, გაიმარჯვა ჩვენი სკოლის ორმა მოსწავლემ – ანასტასია დომბროვსკაიამ  და ელენე ჩივაძემ. მათი ნახატები პარიზში გამოიფინა, გადაეცათ დიპლომები და მედლები. 

• სკოლა ,,ჯეჯილის“ მოსწავლეთა მონაწილეობით, ინგლისურენოვანმა მიუზიკლმა ,,მერი პოპინსმა“ თბილისის მოსწავლეთა და სტუდენტთა სამოყვარულო თეატრების ფესტივალში ,,IFSSAT” პირველი ადგილი აიღო. 

• სკოლის მოსწავლეებმა მონაწილეობა მიიღეს ოსკარ მურილოს საერთაშორისო ხატვის პროექტში (International Art Project – Frequencies).  პროექტი ემსახურებოდა მოსწავლეებში თვითშეგნების ამაღლებას. სხვადასხვა ტექნიკით კანვაზე შესრულებული ნახატები გამოიფინა აშშ-ს მეტროპოლიტენ მუზეუმში. 

• მე-12 კლასის მოსწავლე – ზაზა გელაშვილი წარდგენილი იყო ახალგაზრდა დიპლომატთა სამიტზე, ბათუმში. გასაუბრების შედეგად, ზაზა სრული დაფინანსებით გაემგზავრა ბრიუსელში, ევროპარლამენტის დელეგატად.

• რესპუბლიკურ ოლიმპიადაში გაიმარჯვა გიორგი ლუხავამ და დაფინანსებით გაემგზავრა წყნეთის საზაფხულო, საერთაშორისო ბანაკში.

• მოსწავლე ახალგაზრდობის სასახლეში გამართულ კონფერენციაში გაიმარჯვა მე-10 კლასის მოსწავლემ –  თორნიკე ფანჯავიძემ.

• ინგლისური ენის რესპუბლიკურ ოლიმპიადაში 3 გამარჯვებული მოსწავლე პრეზიდენტის პროგრამით გაემგზავრა საერთაშორისო ბანაკში. X კლასის მოსწავლე, გიორგი ლუხავა კი პირველ ათეულში მოხვდა.

• საერთაშორისო ორგანიზაცია “English Speaking Union”-ის მიერ ჩატარებულ კონკურსში ,,International Public Speaking Competition 2011”-ის გამარჯვებული მე-11 კლასის მოსწავლე ანი შეყილაძე გახდა. იგი სრული დაფინანსებით გაემგზავრა დიდ ბრიტანეთში, ლონდონში, ერთკვირიან სემინარზე.

2009 წელი

• სკოლას ჰყავდა ოქროსა და ვერცხლის მედალოსნები – ვახტანგ ქელბაქიანი  და რევაზ მესხი.

• პროგრამა “ჩემი პირველი კომპიუტერის” ფარგლებში ჯეჯილის 2 მოსწავლეს  პრეზიდენტის სახელით კომპიუტერები გადაეცათ საჩუქრად.

2008 წელი

• პროგრამა “ჩემი პირველი კომპიუტერის” ფარგლებში ჯეჯილის 6 მოსწავლეს პრეზიდენტისგან კომპიუტერები გადაეცათ საჩუქრად.

2007 წელი

• საერთაშორისო ორგანიზაცია “English Speaking Union”-ის მიერ ჩატარებულ კონკურსში – ,,International Public Speaking Competition 2007”-ის გამარჯვებული მე-11 კლასის მოსწავლე მარიამ სიხარულიძე გახდა. იგი სრული დაფინანსებით გაემგზავრა დიდ ბრიტანეთში, ლონდონში, ერთკვირიან სემინარზე.

2006 წელი

• ბრიტანეთის საბჭოს მიერ საქართველოს მასშტაბით ჩატარებულ კონკურსში “From the Word Go”, ჩვენმა სკოლამ I ადგილი დაიკავა; კონკურსში მონაწილეობას იღებდნენ ინგლისურენოვანი კერძო და საჯარო სკოლები.

• ჩვენი სკოლის გუნდი დებატების ასოციაციის EIDEA-ს მიერ რესპუბლიკურ კონკურსში სამგზის გამარჯვებული გახდა. სამივე შემთხვევაში მოსწავლეები დაფინანსებით გაემგზავრნენ საერთაშორისო ბანაკებში.

• გაეროს ფონდის მიერ ორგანიზებულ კონფერენციაში მონაწილეობისათვის IX კლასის მოსწავლე საბა უსტიაშვილი საპატიო დიპლომით დაჯილდოვდა. კონფერენციის თემა “ათასწლეულის განვითარების მიზნები საქართველოში “გახლდათ.

• საერთაშორისო ორგანიზაცია “English Speaking Union”-ის მიერ ჩატარებულ კონკურსებში სამგზის გამარჯვებულები ჩვენი სკოლის მოსწავლეები გახდნენ:

   ○ მარიამ სიხარულიძე – XI კლასი
   ○ ანი შეყილაძე – XI კლასი
   ○ მარიამ მელიქაძე – X კლასი

2005 წელი

• ეროვნულ გამოცდებზე XI კლასის მოსწავლე თინა კვირკველია პირველ ათეულში შევიდა.

2004 წელი

• გოეთეს ინსტიტუტის მიერ ჩატარებულ რესპუბლიკურ კონკურსში “გერმანული შემიძლია, გერმანული ვიცი” ჩვენი სკოლის მოსწავლეებმა II ადგილი დაიკავეს.

• საერთაშორისო მათემატიკურ კონკურსში “კენგურუ” – სანდრო დალაქიშვილი, მე-4 კლასი, რესპუბლიკაში მე-5, ხოლო თბილისში მე-3 ადგილი დაიკავა.

2001 წელი

• მათემატიკის რაიონულ ოლიმპიადაში მე-3 ადგილი ჩვენი სკოლის მოსწავლე სანდრო ლომინაშვილმა დაიკავა.

2000 წელი

• მოსწავლე-ახალგაზრდობის რესპუბლიკური სასახლის მიერ ჩატარებულ კონკურში “უცხო ენების მოყვარული” ჩვენი სკოლის მოსწავლეებმა გამარჯვება მოიპოვეს.

• საერთაშორისო მათემატიკურ კონკურსში “კენგურუ” ჩვენი სკოლის მოსწავლე ლუკა მიქელაიშვილმა ქვეყნის მასშტაბით მე-6 ადგილი (სულ 7464 მონაწილე) დაიკავა.
ნორჩ მათემატიკოსთა ოლიმპიადის რაიონულ ტურში გამარჯვებული ჩვენი სკოლის მოსწავლე სანდრო ლომინაშვილი გახდა.

• ჩვენი სკოლა ფონდი “ღია საზოგადოება საქართველოს” გრანტის “ახალი თაობის” მფლობელი გახდა.

1999 წელი

• მათემატიკის საქალაქო ოლიმპიადაში გამარჯვებული ჩვენი სკოლის მოსწავლე ნათია ბუკია გახდა.

• ჩვენი სკოლა ფონდი “ღია საზოგადოება საქართველოს” გრანტის “სასწავლო  კომპიუტერული კლასის შექმნის” მფლობელი გახდა.

1998 წელი

• ჩვენი სკოლა ფონდი “ღია საზოგადოება საქართველოს” გრანტის “თანამედროვე ენების პროგრამის” მფლობელი გახდა.